Onion price उन्हाळी कांदा शेतकऱ्यांना बनवणार मालामाल ! कांद्याचे दर 2,500 पार, भावात आणखी वाढ होणार का ?
Onion price: गेल्या काही दिवसांपासून राज्यातील कांद्याचे उत्पादन अडचणीत आले आहे. कांद्याला अपेक्षित भाव मिळत नसल्याने शेतकरी चिंतेत आहेत. कांद्याचे सध्याचे भाव कांदा पिकाचा उत्पादन खर्च भरून काढू शकत नसल्याचे शेतकऱ्यांचे म्हणणे आहे.
शेतकऱ्यांना खरीप हंगामातील लाल कांदा कवडीमोल भावाने विकावा लागला. आता किमान उन्हाळ कांद्यापासून चांगले उत्पन्न मिळेल, असा विचार शेतकरी करत होते. मात्र उन्हाळ कांदाही कवडीमोल भावाने विकला जात असल्याने शेतकऱ्यांची दुहेरी कोंडी झाली आहे.
कापुस बाजारभाव मध्ये मोठे बदल, आजचे बाजारभाव पहा
मात्र, कांदा उत्पादकांसाठी एक आनंदाची बातमी आहे. म्हणजेच आता दर वाढत आहेत. 26 जून ते 30 जून दरम्यान राज्यातील प्रमुख बाजारपेठांमध्ये कांद्याची आवक वाढली. विशेष म्हणजे या काळात आवक वाढली असली तरी दरात सुधारणा झाली आहे.
राज्यातील लासलगाव आणि पिंपळगाव एपीएमसीमध्ये या कालावधीत 400 ते 500 रुपयांची वाढ झाल्याचे सांगण्यात आले. दर वाढत असले तरी हा दर उत्पादन खर्च भरून काढण्यासाठी पुरेसा नाही. त्यामुळे भावात आणखी वाढ व्हावी, अशी शेतकऱ्यांची इच्छा आहे.
दरम्यान, उन्हाळी हंगामातील कांदा पिकाला अवकाळी पाऊस आणि गारपिटीचा फटका बसला आहे. यामुळे या कांद्याचे शेल्फ लाइफ कमी होण्याची भीती शेतकऱ्यांना आहे. या स्थितीत बाजारात कांद्याची आवक वाढत आहे.
अजित पवार उपमुख्यमंत्री होताच मोठा निर्णय, यांना मिळणार
20 लाख रुपये बिनव्याजी कर्ज
मात्र आता दरही सुधारला आहे. 1 जुलै 2023 रोजी झालेल्या लिलावात राज्याच्या प्रमुख कृषी उत्पन्न बाजार समितीच्या किमतीत प्रचंड वाढ झाली. लासलगाव एपीएमसीमध्ये १ जुलै रोजी झालेल्या लिलावात उन्हाळ कांद्याला सर्वाधिक २६०० रुपये प्रतिक्विंटल भाव मिळाला.
विशेष म्हणजे या दिवशी सरासरी 1500 रुपये प्रतिक्विंटल बाजारभाव होता. दरम्यान, कांद्याचे भाव वाढण्यामागे अनेक कारणे असल्याचे बाजार विश्लेषकांचे म्हणणे आहे.
बाजार विश्लेषकांच्या मते, देशातील प्रमुख कांदा उत्पादक राज्य म्हणून ओळखल्या जाणाऱ्या मध्य प्रदेशात आवक कमी आहे आणि मालाचा दर्जाही कमी आहे. मालाचा दर्जा निकृष्ट आणि कमी आवक यामुळे आपल्या राज्यात कांद्याची मागणी वाढली आहे.
यासोबतच देशातील विविध राज्यांमध्येही कांद्याची मागणी वाढली आहे. याशिवाय, आखाती देशांमध्ये म्हणजेच कुवेत, ओमान आणि दुबईमध्ये वाढत्या मागणीमुळे भारतीय कांद्याची मागणी वाढत आहे. यामुळे दर वाढत असल्याचे बाजार विश्लेषकांनी नमूद केले आहे.
