IMD Rain Alert Today News 2025 : महाराष्ट्रात पुन्हा एकदा हवामानात बदल होत असून, राज्यातील सात जिल्ह्यांसाठी हवामान विभागाने अधिकृत पावसाचा इशारा दिला आहे. कोकण, उत्तर महाराष्ट्र, मराठवाडा आणि विदर्भात पावसासह वादळी वाऱ्यांची शक्यता वर्तवण्यात आली आहे. काही भागांत कडक ऊन असून नागरिक त्रासले आहेत. मुंबईसह ठाणे, नवी मुंबई आणि कल्याणमध्येही पावसाचे आगमन होण्याची चिन्हं आहेत.
अधिक माहितीसाठी येथे क्लिक करा
हवामान विभागाच्या अंदाजानुसार, ३ ते ६ जूनदरम्यान पावसाचा जोर वाढण्याची शक्यता आहे. अनेक भागांमध्ये मेघगर्जना, विजांचा कडकडाट आणि ३० ते ५० किमी प्रतितास वेगाने वाहणारे वारे अनुभवायला मिळू शकतात. विशेषतः कोकणातील रायगड, रत्नागिरी, सिंधुदुर्ग, तसेच विदर्भातील अकोला, नागपूर, चंद्रपूर व अमरावती जिल्ह्यांमध्ये पावसासह वादळी वाऱ्यांचे इशारे आहेत.
अधिक माहितीसाठी येथे क्लिक करा
मुंबई, ठाणे आणि कल्याण परिसरातील हवामान :
मुंबई, नवी मुंबई, ठाणे आणि कल्याण परिसरात ४ जून रोजी हलकासा पाऊस होण्याची शक्यता आहे. ५ आणि ६ जून रोजी मात्र मध्यम स्वरूपाचा पाऊस, विजांचा कडकडाट आणि वाऱ्यांचा जोर जाणवेल. नागरिकांनी घराबाहेर पडताना काळजी घ्यावी व गरज असल्यासच प्रवास करावा.
ठाणे जिल्ह्यात ५ जूनला विजांच्या कडकडाटासह वादळी पावसाची शक्यता असून, पालघर जिल्ह्यात देखील पावसाची तीव्रता वाढणार आहे. ६ जूनपर्यंत कोकणातील वातावरण ढगाळ राहण्याची शक्यता वर्तवण्यात आली आहे.
Rain Alert | विदर्भ, मराठवाडा व उत्तर महाराष्ट्रात विशेष सतर्कतेचा सल्ला :
विदर्भातील अकोला, वर्धा, गोंदिया, यवतमाळ, नागपूर आणि चंद्रपूरमध्ये सलग पाच दिवस वादळी वाऱ्यांसह पावसाचा अंदाज आहे. मराठवाड्यात बीड, लातूर, नांदेड, जालना, धाराशिवसह आठ जिल्ह्यांमध्ये ५ जूनला वाऱ्याचा वेग ५० किमी प्रतितासपर्यंत जाण्याची शक्यता आहे. जळगाव आणि नाशिक जिल्ह्यांत ५ आणि ६ जूनला वाऱ्यांचा जोर वाढण्याचा इशारा आहे.
राज्यभरातील शेतकरी वर्गाला हवामान बदलाचा फटका बसू शकतो. त्यामुळे हवामान विभागाने शेतकऱ्यांसह नागरिकांनी सतर्क राहण्याचा सल्ला दिला आहे. वीज पडत असताना सुरक्षित स्थळी थांबावे आणि खुल्या जागांपासून दूर राहावे, असा इशारा देण्यात आला आहे.