Maharashtra new district creation 2025: तमाम उदगीरकरांना ज्याक्षणाची प्रतीक्षा होती, तोक्षण जवळ आला असल्याची चाहूल मिळत आहे.राज्यात काही जिल्ह्याचे विभाजन करून नवीन जिल्हा करण्याच्या हालचालींना वेग आला आहे.
अधिक माहितीसाठी येथे क्लिक करा
लातूर जिल्ह्यातील उदगीर, अहमदपूर, देवणी व जळकोट तालुक्यांचा समावेश करण्यात येणार असून शेजारील नांदेड जिल्ह्यातील मुखेड व देगलुर तालुक्याचे विभाजन करून मुक्रमाबाद किंवा बाहऱ्हाळी हा नवीन तालुका निर्माण करून संभाव्य उदगीर जिल्ह्यात जोडला जाणार आहे. तर,
शजारच्या नांदेड जिल्ह्यातील लोहा व कंधार आणि मुखेड तालुक्यातील काही समावेशही नवीन उदगीर गाव जिल्ह्यात होणार आहे. तसा मसुदा तयार असल्याची माहिती हाती लागत आहे.
तसे पाहिले तर, उदगीर जिल्हा मागच्या सरकारमध्येच होणार होता. मात्र, फडणवीसांनी त्यासाठी घेतलेली मेहनत व महत्वकांक्षी योजनेचे श्रेय इतरांच्या नावावर पडूनये यासाठी काळजी घेत सदरील निर्णय मंत्रिमंडळाने तात्पुरता हातावेगळा केला होता. तो पुन्हा अजेंड्यावर असून त्यासाठी २६ जानेवारीचा मुहूर्त काढला असल्याचे बोलले जात आहे.
आमदार संजय बनसोडे हे आपल्या जाहीरनाम्यातील प्रथम वचन पूर्ण करण्यासाठी प्रयत्नशील आहेत.जिल्हा निर्मितीसाठी लागणारे सर्व कार्यालय, त्यांच्या इमारती सज्ज आहेत.
शिवाय, एमएच ५५ अशी नवी ओळखही त्यांनी मागच्या टर्ममध्येच मिळवून दिली आहे. आता २६ जानेवारी रोजी महाराष्ट्रातील संभाव्य जिल्ह्याची घोषणा होण्याची शक्यता वर्तविली जात आहे.
